Assalamu’alaikum
wr.wb
10
Pokok-pokok Ajaran Islam
Minangka
atur pambuka, mangga kita syukuri ni’matipun Gusti Allah ingkang kathahipun
tanpa wilangan. Syukur kanthi ningkataken iman lan takwa kita dhumateng Allah
SWT. Shalawat salam mugi konjuk dhumateng panutuping para Nabi lan Rosul,
Muhammad SAW dalah ahli waris, para sohabat lan sedaya pendherekipun.
Para
sedherek, ing wekdal punika kita rumaos lega sebab dene saged ngayahi kewajiban
nindakaken siyam Ramadhan nutug sesasi, dipun kantheni kelawan mapinten-pinten
amaliyah ingkang mugi-mugi katampi dening Allah SWT.
Ing
Ramadhan niki, mangga kita sesarengan ambudidaya nyampurnakaken amaliyah agami
kita kelawan nindakaken 10 perkawis pokok-pokok ajaran islam sesuai kaliyan
kemampuan kita masing-masing. 10 pokok wau kawengku ing huruf S, inggih punika
:
1.
Syahadat
Syahadat punika rukun islam ingkang
kawitan, ingkang dados pondasinipun rukun-rukun lan ajaran islam sanesipun.
Syahadat ugi keyakinaning manah ingkang dipun ucapaken mawi lesan (Ingkang
baku, menawi tiyang sampun yakin dhumateng Allah, mangka samubarang ingkang
kalampahan mboten uwal saking Allah, nyuwun pangereksa inggih namung dhateng
Allah, nyuwun pitulungan inggih namung dhumateng Allah).
2.
Shalat
Shalat
punika ibadah ingkang paling utami, sahinggo menawi tiyang shalatipun risak
inggih kesaenan sanesipun mboten katampi dening Allah SWT. Rasul SAW wonten ing
satunggaling hadist riwayat Al Hakim ngendika : “Perkara kang bakal den hisab luwih dhisik ing dina qiyamat ya solate.
Yen solate bener, bakal ditampa kabeh ngamal kebagusane. Yen solate rusak
mangka bakal den tolak kebeh ngamal kebagusane”.
3.
Shadaqah
Shadaqah
ing dalem agami islam wonten ingkang hukumi wajib wonten ingkang sunnah.
Ingkang wajib arupi zakat fithrah lan zakat mal. Zakat mal namung dipun
wajibaken tumrap tiyang islam ingkang bandhanipun dumugi sanishab. Lan punika
wajib dipun bayar, amargi mboten, pidananipun awrat.
Kelebet
wajib ugi inggih punika nafkah suami kaliyan kaluwarganipun. Namung kemawon
agenging nafkah gumantung kaliyan kemampuanipun.
Wondene
shadaqah sunah ingkang ganjaranipun ugi mlipat-mlipat saged arupi amal jariyah,
waqaf, hibah, santunan, lsp.
4.
Shaum
Shaum
tegesipun ngeker, inggih punika ngeker saking dhahar lan ngunjuk, ngendika lan
sanes-sanesipun. Tujuanipun, kangge ngangkat drajatipun tiyang mu’min dados
tiyang muttaqin, sebab inggih tiyang Muttaqin punika ingkang sampun
kasedhiyakaken swarga (Al Quran surat Ali Imran 33).
5.
Safat Ilal Hajj
Inggih
punika nindakaken ibadah haji ing Makkah Al Mukarramah, ingkang kalebet rukun
islam ingkang angka gangsal.
6.
Shilaturrahim
Manusia
punika kalebet makhluk sosial ingkang mboten saged gesang piyambakan tanpa
kebantu dening tiyang sanes. Pramila sampun samesthinipun manungsa kedah gesang
bebrayan, lung-tinulungan, bantu binantu.
7.
Syukur
Rasulullah
SAW saben-saben nampi kani’matan temtu sujud syukur, matur ginging panuwun
dhumateg Allah. Kejawi punika, Allah panci ngersakaken supados kita kaum
muslimin dadosa tiyang ingkah tansah syukur, amrih katambahan ni’matipun.
8.
Sabar
Sejajar
kaliyan syukur, namung ingkang kawastanan sabar punika menggahing tiyang awam
gampang kinucap ananging angel kelampahan
9.
Sabilillah
Berjuwang ing marginipun Allah kadosta
ta da’wah dhateng daerah ingkang taksih rawan islamipun, mucal Al Quran lan
ilmu agami dhateng lare-lare, ngrimat yatim piatu, mbrasta kebodhoan, lsp.
10. Satru
Maksiyat
Maksiyat
ateges nindakaken awisanipun Allah lan nilar dhawuhipun Allah. Kadosta
nindakaken Ma Lima (Main, Madat, Madon, Maling, Manembah brahala), nilar
sholat, siyam lan zakat, lsp.
Mekaten
kultum ingkang saged kawula aturaken, mugi-mugi siyam kia saestu-estu saged
nuceni jiwa kita saking mapinten-pinten dosa. Kawula nyuwun agunging
pangapunten menawi wonten kalepatan, kekhilafan lan kekirangan. Akhir kalam
wabilahitofik walhidayah.
Wassalamu’alaikum
wr.wb
0 komentar:
Posting Komentar